PostHeaderIcon عشرہ مجالس بی بی معصومہ قم

عشرہ مجالس بی بی  معصومہ قم

www.sadiqchat.com

www.aalayali.com

ashra qom 10

PostHeaderIcon ایٹمی مذاکرات اگر نہج سے ہٹ گئے تو ایران نئے فیصلے کرے گا

ایٹمی مذاکرات اگر نہج سے ہٹ گئے تو ایران نئے فیصلے کرے گا

جنیوا میں ایٹمی مذاکرات سے قبل اسلامی جمہوریہ ایران کا کہنا ہے کہ جب بھی ہم اس نتیجے پر پہنچیں گے کہ مذاکراتی عمل تہران کی خواہشات کے مطابق نہيں بڑھ رہا ہے ہم نئے فیصلے کریں گے –

وزارت خارجہ کی ترجمان مرضیہ افخم نے بدھ کو ہفتہ وار پریس کانفرنس میں ایران کے خلاف نئي پابندیاں عائد کرنےکےامریکی کانگریس کے فیصلے کےبارے میں کہا کہ ایران اور پانچ جمع ایک گروپ کے درمیان مذاکرات جاری ہیں اور مذاکرات کی توسیع شدہ مدت میں بھی اس بات پر اتفاق ہوا ہے کہ پہلے سیاسی اتفاق رائے تک پہنچاجائے گا اور اس کے بعد فنی معاملات پر بات چیت ہوگی -

اسلامی جمہوریہ ایران کی وزارت خارجہ کی ترجمان نے کہاکہ ہر دور کے مذاکرات اور ان کے عمل کے نتائج کا جائزہ لیا جائےگا اور جب بھی یہ احساس ہوا کہ یہ مذاکراتی عمل ایران کی خواہشات کے مطابق نہیں ہيں اور مذاکراتی عمل کا راستہ ایساراستہ نہيں ہے جس کے ذریعے جامع اور منصفانہ سمجھوتے تک پہنچاجائے اور اسلامی جمہوریہ ایران کے مطالبات ان سے پورے نہيں ہورہے ہيں تو اس وقت ہم نئے فیصلے کریں گے -

ایران کی وزارت خارجہ کی ترجمان نے تیل کی قیمتوں میں مسلسل کمی کی طرف اشارہ کرتے ہوئے کہا کہ تیل کی قیمتوں میں مسلسل کمی کے پیجھے سیاسی اقدامات کارفرماہیں اور یہ بات سب کے لئےواضح ہوچکی ہے -

وزارت خارجہ کی ترجمان نے کہاکہ تیل پیداکرنےوالے ملکوں کی تنظیم اوپیک کے رکن ملکوں کےدرمیان مفید بات چیت کا آغاز ہوچکا ہے – اورصلاح و مشورے تقویت پارہے ہيں-

مرضیہ افخم نے کہا کہ تیل کو سیاسی حربے کے طورپراستعمال نہيں کرنا چاہئے -

ایران کی وزارت خارجہ کی ترجمان نے فرانس کے حالیہ دہشت گردانہ حملے کی مذمت کرتےہوئے اسلامی جمہوریہ ایران کے موقف کے بارے میں کہا کہ اس قسم کے دہشت گردانہ اقدامات کا اسلامی تعلیمات سے دور دور کا واسطہ نہیں ہے اور ہم توقع کرتے ہیں کہ یورپی حکام اسلام کے اس اصول کو درک اور اس کی رعایت کریں گے -

وزارت خارجہ کی ترجمان نے کہا کہ عملی میدان میں بھی یورپی حکومتوں کو چاہئےکہ وہ انتہا پسند گروہوں کے سلسلے میں اپنی بعض پالیسیوں پر نظرثانی کرتے ہوئے اپنی غلطیوں کا تدارک کریں اور سبھی ادیان و مذاہب کے پیروؤں کے مفادات کے مطابق پالیسیاں اپنائيں

PostHeaderIcon اسلامی جمہوریہ ایران اور چھے عالمی طاقتوں کے ایٹمی مذاکرات کا نیا دور

اسلامی جمہوریہ ایران اور چھے عالمی طاقتوں کے ایٹمی مذاکرات کا نیا دور

اسلامی جمہوریہ ایران اور چھے عالمی طاقتوں کے ایٹمی مذاکرات کا نیا دور شروع ہو رہا ہے اور مذاکرات کے آغاز سے قبل وزیر خارجہ محمد جواد ظریف اپنے امریکی ہم منصب جان کیری سے ملاقات کر رہے ہیں ـ

شیڈول کے مطابق بدھ کے روز دونوں ملکوں کے وزرائے خارجہ کی جنیوا میں ملاقات ہوگی، جو دسمبر دو ہزار چودہ میں ویانا میں ہونے والی ملاقات کے بعد نئے سال کی پہلی ملاقات ہےـ

امریکی وزیر خارجہ جان کیری بھی جنیوا پہنچ گئے ہیں ـ

یورینیم کی افزودگی کی مقدار اور پابندیاں اٹھائے جانے کا وقت مذکرات کے اہم موضوعات ہیں ـ

ایران سے جنیوا جانے والے وفد میں وزیر خارجہ ظریف کے ساتھ نائب وزیر خارجہ عباس عراقچی، مجید تخت روانچی اور نائب وزیر پیٹرولیم امیر حسین زمانی نیا، کے علاوہ حمید بعیدی نژاد، داؤد محمد نیا، محمد امیری اور پژمان رحیمیان شامل ہےـ

امریکا کی طرف سے وزیر خارجہ جان کیری کے علاوہ ولیم برنز، ونڈی شرمن اور جیک سولیوان مذاکراتی ٹیم میں شامل ہیں ـ

وزیر خارجہ ظریف جنیوا میں ایک دن قیام کے دوران اپنے امریکی ہم منصب سے گفتگو کرنے کے بعد چند یورپی ملکوں کے دورے پر روانہ ہو جائیں گے

PostHeaderIcon تیل کی قیمتوں میں کمی، تیل پر کم وابستگی کا سبب بنے گی

تیل کی قیمتوں میں کمی، تیل پر کم وابستگی کا سبب بنے گی

ایران کی اعلی قومی سلامتی کونسل کے سکریٹری نے کہا ہے کہ تیل کی قیمت میں کمی، تیل کی پیداوار کرنے والے ممالک کے لئے اقتصادی نظام میں بہتری پر زیادہ توجہ دینے اور تیل کی فروخت پر کم وابستگي کا سبب ہوگی۔

علی شمخاني نے منگل کو تہران میں عراق کے وزیر پٹرولیم عادل عبد المہدی سے ملاقات میں زور دے کر کہا کہ تہران، استقامتی معیشت کی حکمت عملی کی بنیاد پر غیر منصفانہ پابندیوں سے ملک کو محفوظ رکھنے، پڑوسی ممالک کے ساتھ تعاون پر مبنی اقتصادی امکانات کو فروغ دینے اور سیاسی مسائل میں تیل کے اثرات کو ختم کرنے کی جانب گامزن ہے۔ انہوں نے تیل اور گیس کے مشترکہ ذخائر سے استفادہ کئے جانے کے سلسلے میں ایران اور عراق کے درمیان تعاون کی طرف اشارہ کرتے ہوئے کہا کہ مشترکہ ذخائر سے استفادہ کئے جانے کے سلسلے میں دونوں ممالک کے درمیان تعاون کا ماڈل، تمام ممالک کے لئے مثالی بن سکتا ہے ۔ ایران کی اعلی قومی سلامتی کونسل کے سکریٹری علی شمخاني نے کہا کہ دہشت گردوں اور داعش کے خلاف قائم عالمی اتحاد کے جنگی طیاروں کے حملوں کے ذریعے عراق اور شام سمیت علاقے کے ملکوں کے اقتصادی ڈھانچے کو تباہ کرنے کا مقصد، اسلامی ممالک کی اقتصادی پیشرفت و ترقی کو روکنا ہے۔

اس ملاقات میں عراق کے وزیر پٹرولیم عادل عبد المہدی نے دہشت گروہ داعش کے مقابلہ میں عراقی فوج اور رضاکار فورس کی حالیہ کامیابیوں کے بارے میں ایک رپورٹ پیش کرتے ہوئے کہا کہ عراق، پڑوسی ممالک خصوصا ایران کے ساتھ تعلقات کو وسیع کرنے میں دلچسپی رکھتا ہے۔ انہوں نے عراق کی تعمیر نو بالخصوص تیل، گیس اور پیٹروکیمیکل مصنوعات میں ایران کے قیمتی تجربات سے استفادہ کئے جانے کی خواہش ظاہر کی۔

PostHeaderIcon بوشہر میں مزید دو ایٹمی بجلی گھروں کی تعمیر ہوگی

بوشہر میں مزید دو ایٹمی بجلی گھروں کی تعمیر ہوگی

صدر مملکت  ڈاکٹر حسن روحانی نے کہا ہے کہ بوشهرایٹمی بجلی گھر ایک قوم کی مزاحمت کی علامت ہے اور جوہری توانائی کے پرامن استعمال کے لئے اس شہر میں دو دیگر ایٹمی بجلی گھر بنائے جائیں گے۔

ڈاکٹر حسن روحانی نے منگل کو بوشهر ایٹمی بجلی گھر کے معائنے کے بعد کہا کہ یہ بجلی گھر دنیا کے دیگر ممالک کے بجلی گھروں سے مختلف ہے کیونکہ یہ ایک قوم کی مزاحمت کی علامت ہے۔ انہوں نے کہا کہ شروع میں مغربی ممالک اس بجلی گھر کی تعمیر کرنے والے تھے لیکن وہ پیچھے ہٹ گئے اور انہوں نے اپنے وعدوں پر عمل نہیں کیا لیکن اس بجلی گھر کی تعمیر نے دنیا کو یہ دکھا دیا کہ اگر کوئی ملت کسی مقصد کو حاصل کرنے کا عزم رکھتی ہو، اس راستے پر قدم بڑھائے اور اپنے حقوق پر ڈٹی رہے تو وہ اپنے مقصد کو حاصل کر لے گی۔

صدر مملکت نے اس بات کا ذکر کرتے ہوئے کہ اسلامی جمہوریہ ایران مختلف قسم کی توانائیوں سے استفائدہ کئے جانے پر زور دیتا ہے، کہا کہ آج بجلی کی پیداوار میں جوہری توانائی سے استفادہ کیا جانا چاہئے کیونکہ ایک طرف تو روایتی توانائیوں کا استعمال لامحدود نہیں ہے اور دوسری طرف دنیا کی نئی ٹیکنالوجیوں کا استعمال کیا جانا چاہئے۔ ڈاکٹر روحانی نے کہا کہ بوشهر کا ایٹمی بجلی گھر یہ ثابت کرتا ہے کہ ایران صرف جوہری توانائی سے پرامن مقاصد کے لئے استفادہ کر رہا ہے اور بجلی پیدا کرنا چاہتا ہے۔

PostHeaderIcon پیرس واقعے کو مغرب نے انجام دیا ہے

پیرس واقعے کو مغرب نے انجام دیا ہے

ایران کی رضاکار فورس بسيج کے کمانڈر بریگیڈیر محمد رضا نقدي کا کہنا ہے کہ یورپ نے اسلام کے نام پر پیرس کا جرم انجام دیا ہے۔

انہوں نے تہران میں ایک پروگرام میں مختلف نظام پر حملہ کرنے کی دشمنوں کی روشوں کی جانب اشارہ کرتے ہوئے کہا کہ اگر کچھ عشرہ پہلے نظر ڈالیں تو ہم دیکھیں گے کہ دنیا میں ہتھیار اور گولے بارود کا دور تھا اور عالمی طاقتیں اپنے ہتھیاروں کو پیشرفتہ کر رہی تھیں۔ انہوں نے کہا کہ امام خمیني (رحمت اللہ) کی تحریک نے اس موازنے کو تبدیل کر دیا۔ ان کا کہنا تھا کہ امام خمیني نے بغیر ہتھیار کے اور خالی ہاتھ عالمی طاقتوں کو غیر مسلح کر دیا اور دشمنوں کے خلاف نرم جنگ کی حکمت عملی اپناكر، آمریت کا تختہ الٹ دیا جسے مشرق اور مغرب کی سپر پاور کی حمایت حاصل تھی۔

انہوں نے پیرس کے واقعات اور اس واقعہ سے استفادہ کرتے ہوئے مسلمانوں کے خلاف نفسیاتی جنگ کی جانب اشارہ کرتے ہوئے کہا کہ یورپ میں اسلام تیزی سے پھیل رہا ہے اور ان کے پاس پیرس میں اسلام کے نام پر جرم انجام دینے کے علاوہ کوئی دوسرا راستہ نہیں تھا ۔ ان کا کہنا تھا کہ موجودہ وقت میں عالمی طاقتوں کے جنگ کے حامی افراد ٹی وی اسٹوڈیو میں بیٹھے ہوئے ہیں۔

محمد رضا نقدي نے کہا کہ اس واقعہ کے بعد مغربی معاشرے کے سر میڈیا کا جادو چڑھ کر بولنے لگا اور صیہونی وزیر اعظم جس نے حال ہی میں سیکڑوں خواتین اور بچوں کو موت کے گھاٹ اتار دیا، دہشت گردی کے خلاف اس ریلی میں سب سے آگے نظر آیا۔ انہوں نے یہ بیان کرتے ہوئے کہ فرانس دہشت گردوں کا گڑھ ہے، کہا کہ یہ ملک شام اور عراق میں سرگرم دہشت گردوں کا اہم حامی اور ایران پر مسلط کردہ جنگ کے دوران صدام کا اہم حامی تھا۔

PostHeaderIcon ملک کی موجودہ صورتحال میں دہشت گردی کے خاتمہ کے لئے 21ویں ترمیم اور فوجی عدالتوں کی مکمل حمایت کرتے ہیں ۔علامہ عارف حسین واحدی

ملک کی موجودہ صورتحال میں دہشت گردی کے خاتمہ کے لئے 21ویں ترمیم اور فوجی عدالتوں کی مکمل حمایت کرتے ہیں ۔علامہ عارف حسین واحدی
index

مرکزی سیکرٹری جنرل علامہ عاف حسین واحدی نے اپنے وضاحتی بیان میں کہا ہے کہ ملک کی موجودہ صورتحال میں دہشت گردی کے خاتمہ کے لئے 21ویں ترمیم کی مکمل حمایت کرتے ہیں ، ایک عرصے سے ہماری قیادت کا موقف رہا ہے کہ جب تک دہشت گردوں سے آہنی ہاتھوں سے نہیں نمٹا جائے گا اس وقت تک دہشتگردی کا مکمل خاتمہ ممکن نہیں ہے ۔ موجودہ عدالتی نظام اور حکمرانوں کی پالیسیوں کی وجہ سے دہشت گردوں کو کیفر کردار تک پہنچانے میں رکاوٹیں حائل رہی ہیں۔ 7جنوری 2015ء کو ملی یکجہتی کونسل اسلام آباد کے اجلاس میں بھی یہی موقف اختیار کرتے ہوئے فیصلہ کیا گیا کہ 21ویں ترمیم اور خا ص کر فوجی عدالتوں کی مکمل حمایت کرتے ہیں ۔ ہمارا مطالبہ ہے کہ ہر قسم کی دہشت گردی پر تما م دہشت گردوں کے خلاف بلا امتیاز کاروائی ہو نی چاہیے ۔تاکہ کسی قسم کی غلط فہمی پید ا نہ ہوسکے ۔ علامہ عارف حسین واحدی نے مزیدکہا کہ ایک عرصہ سے قائد ملت جعفریہ پاکستان علامہ سید ساجد علی نقوی کا یہ مطالبہ رہا ہے کہ سزائے موت کو بحال کئے بغیر دہشت گردی پر کنٹرول کرنا مشکل ہے ،اس لئے ہم نے سزائے موت کی بحالی کو خوش آئند کہا ۔اور ہمارا دو ٹوک موقف ہے کہ اگر بلا امتیاز مجرموں اور دہشت گردوں کو تختہ دار پر لٹکا یا جاتا رہا تو ملک دہشت گردی کے ناسورسے جلد پاک ہو جائے گا اور وطن عزیز کے شہری امن وسکون کی زندگی گذار سکیں گے نیزملک ترقی و استحکام کی راہ پر گامزن ہو جائے گا ۔ علامہ عارف حسین واحدی نے آپریشن ضرب عضب کی مکمل حمایت کرتے ہوئے کہا کہ ہم آخری دہشت گرد کے خاتمہ تک حکومت اور پاک فوج کی دہشت گردی کے خلاف اقدامات کی مکمل حمایت کرتے رہیں گے مگر ہمارا مطالبہ ہے کہ یہ آپریشن ایک حصے میں نہیں بلکہ پورے ملک میں بلا تفریق ہونا چاہیے خواہ دہشت گردوں کا تعلق کسی بھی طبقے یاگروہ سے کیوں نہ ہوتب ہی دہشت گردی کا مکمل صفایا ممکن ہے۔آخر میں انہوں نے کہا کہ مدارس دینیہ کے بارے میں ہمارا موقف بڑا واضح ہے مدارس کھلی کتاب کی مانند ہیں اگر حکومت کے پاس مدارس کے بارے میں دہشت گردی میں ملوث ہونے کے ٹھوس ثبوت ہوں تو ان مدارس کے خلاف بھر پور کارروائی ہونی چاہیے البتہ اتحاد تنظیمات مدارس دینیہ کو اعتماد میں لیا جانا ضروری ہے ۔

PostHeaderIcon سانحہ راولپنڈی کے خلاف شیعہ علما کونسل راولپنڈی کا مظاہرہ

سانحہ راولپنڈی کے خلاف شیعہ علما کونسل راولپنڈی کا مظاہرہ
10935138_512739535535578_781824264_o

جعفریہ پریس – سانحہ شہدائے میلاد مصطفی راولپنڈی کیخلاف شیعہ علماء کونسل پاکستان کی کال پر ملک بھر کی طرح شیعہ علماء کونسل راولپنڈی ،جعفریہ یوتھ ،تحریک القائم پاکستان اور جانثاران اہلبیت کے زیر اہتمام پریس کلب ،مری روڈ، راولپنڈی کے باہر احتجاجی مظاہرہ کیا گیا ۔ احتجاجی مظاہرہ کی قیادت ضلعی صدر شیعہ علماء کونسل راولپنڈی مولانا قاسم جعفری ،سینئر نائب صدر شیعہ علماء کونسل راولپنڈی مولانا سید ضیغم عباس نقوی،مولانا ناصر حسین نجفی ،سید محمود نقوی ڈویژنل جنرل سیکرٹری شیعہ علماء کونسل راولپنڈی ،سید نزاکت نقوی ضلعی جنرل سیکرٹری شیعہ علماء کونسل راولپنڈی،راحت کاظمی ،تطہیر رضوی ،زاہد جعفری سمیت دیگر رہنماوں نے کی ۔احتجاجی مظاہرہ میں سینکڑوں مومنین و کارکنان نے شرکت کی ،مظاہرین نے اس موقع پر اپنے ہاتھوں میں بینرز و پلے کارڈ اُٹھا رکھے تھے جس پر دہشت گردی میں ملوث افراد کو گرفتار کرکے تختہ دار پر لٹکانے کے مطالبات درج تھے۔ احتجاجی مظاہرین سے خطاب کرتے ہوئے شیعہ علماء کونسل راولپنڈی کے راہنماؤں نے سانحہ راولپنڈی کی شدید الفاظ میں مذمت کرتے ہوئے کہا کہ ہم حکومت سے مطالبہ کرتے ہیں کہ دہشت گردوں کاخاتمہ کرتے ہوئے شہدائے میلاد مصطفی ؐ کے واقعہ میں ملوث افراد کاسراغ لگا کر اور ان کے سہولت کاروں اور سرپرستوں کو گرفتار کرکے تختہ دار پر لٹکایا جائے ۔اس موقع پر قرار دیں بھی پاس کی گئی جس میں کہا گیا کہ شیعہ علماء کونسل پاکستان دہشت گردی کے خلاف جنگ میں اپنی پاک فوج کے ساتھ شانہ بشانہ کھڑی ہے اور دہشت گردوں کو پھانسیاں دینے کا جو عمل شروع کیا ہے اسے جاری رہنا چائیے۔شیعہ علماء کونسل پاکستان آخری دہشت گرد کے خاتمہ تک حکومت کے ساتھ ہر ممکن تعاون کرنے کو تیار ہے ۔اس موقع پر حکو مت سے مطالبہ بھیق کیا گیا کہ عدل و انصاف کے تقاضوں کو پو را کرتے ہوئے قاتلوں کو فی الفور گرفتارکرکے کیفرو کردار تک پہنچایا جائے۔اور اس ملک میں شیعہ سنی صدیوں سے متحد ہیں اور تیسری طاقت اس اتحاد کو پارہ پارہ کرنا چاہتی ہے ان افراد کو بھی ضرب عضب کے نشانہ پر رکھا جائے۔آخر میں شہداء کے لواحقین و پسماندگان سے اظہار تعزیت کرتے ہوئے شہداء کی بلندی درجات کے لئے دعائے مغفرت فرمائی اور فاتحہ خوانی کی گئی۔بعد ازاں احتجاجی مظاہر ہ پُر امن طور پر اختتام پذیر ہوا ۔

PostHeaderIcon عراق میں امریکا کی جانب سے داعش کی حمایت پراعتراض

عراق میں امریکا کی جانب سے داعش کی حمایت پراعتراض

امریکا کی سرکردگی میں نام نہاد داعش مخالف بین الاقوامی اتحاد کی جانب سے داعش کو مختلف شکلوں میں پہنچائی جانےوالی مددپرسخت ردعمل سامنا آرہا ہے -

اس سلسلے میں عراق کی بدر تنظیم نے کہا ہے کہ امریکا کی سرپرستی والے بین الاقوامی اتحاد کی طرف سے داعش کو دی جانے والی ہوائي امدادکی تحقیقات کی جائيں گي –

عراق کی بدر تنظیم کے سربراہ اور پارلیمنٹ کے ممبر ہادی العامری نے داعش کے خلاف بننےوالے نام نہاد اتحاد کے ہوائي جہازوں کےذریعے داعش کے لئے ہتھیاروں کی پیٹیاں گرائے جانے کے واقعات کے سلسلے میں پائے جانےوالے ثبوت و شواہد کا حوالہ دیتے ہوئے کہا کہ امریکا ایک طرف دعوی کرتا ہے کہ وہ دہشت گردی کے خلاف حالت جنگ میں ہے جبکہ وہ دوسری طرف مختلف طریقوں داعش کی اسلحہ جاتی مدد کررہا ہے –

عراق کی بدر تنظیم کے سربراہ ہادی العامری نے کہا کہ عراقی حکومت اس سلسلے میں ثبوت و شواہد اکٹھا کررہی ہے اور پھروہ عالمی اداروں کو پیش کرے گی –

عراقی رہنما ہادی العامری نے اس بات کا ذکرکرتے ہوئے کہ داعش کے زیرقبضہ علاقوں کو صرف عراقی فوج اور عوامی رضاکار فورس ہی آزاد کراسکتی ہے کہاکہ عراقی فوج اس وقت صوبہ صلاح الدین کے شمال میں کاروائیاں انجام دینے کے لئے اور اس کے بعدصوبہ نینوا پر چڑھائي کرنے کے لئے پوری طرح تیار ہورہی ہے تاکہ موصل شہر کو داعش کے قبضے سے آزاد کرایا جاسکے اوریوں پورے ملک سے داعش کا خاتمہ اور دہشت گردوں کی نابودی کا راستہ ہموار ہوسکے – انہی حقائق کے پیش نظر ہی ایک امریکی تجزیہ نگار کا کہنا ہےکہ پنٹاگون دہشت گرد گروہ داعش کا حامی ہے –

امریکی جریدے ویٹرنز ٹوڈے کے چیف ایڈیٹر اورویسکانسین یونیورسٹی کے پروفیسر کوین برٹ کا کہناہ کہ جوکچھ عراق میں ہورہا ہے وہ اس جنگ کی چوتھی نسل ہے جس کی آگ بھڑکانے کے لئے امریکی وزارت جنگ پنٹاگون علاقے میں پوری کوشش کررہی ہے –

امریکی تجزیہ نگار کوین برٹ کا کہنا ہے کہ عراق میں داعش کے لئے امریکی حمایت کا مقصدمشرق وسطی کے علاقے کو غیر مستحکم کرنا ہے-

کوین برٹ نے کہا کہ دہشت گرد گروہ داعش کو خود مغربی ملکوں کی خفیہ ایجنسیوں نے ہی تیارکیا ہے تاکہ اس کے ذریعے عراق اور شام جیسے ملکوں میں بدامنی پیداکرسکيں

– امریکی تجزیہ نگار کا کہنا ہے کہ داعش کو وجود میں لانے کا امریکا کا پہلا مقصد شام میں بشار اسد کی حکومت کا تختہ الٹنا تھا لیکن کچھ عرصے کے بعد داعش کے عناصر کو عراق بھیج دیا گیا تا کہ اس ملک میں بھی بحران پیدا کیا جاسکے –

مذکورہ امریکی نظریہ پرداز کا کہنا ہے کہ لیکن درحقیقت امریکا کی اسٹریٹیجی یہ ہے کہ اس طرح کی جنگیں جاری رہيں تاکہ یہ ممالک بحران کا شکار رہیں اور ان میں اتنا استحکام نہ آسکے کہ وہ ان اسٹریٹجک چیلنجوں کا مقابلہ کرسکيں جو علاقے میں امریکا اور صہیونی حکومت کھڑا کررہے ہيں –

PostHeaderIcon داعش کےخلاف عراقی فوج اورعوامی رضاکاروں کی مشترکہ کاروائی

داعش کےخلاف عراقی فوج اورعوامی رضاکاروں کی مشترکہ کاروائی

عراق میں فوج اور عومی رضاکاروں کے تازہ آپریشن میں سیکڑوں داعشی دہشتگرد ہلاک ہوگئے ہیں-

ہمارے نمائندے نے بغداد سے عراقی ذرائع کے حوالے سے رپورٹ دی ہے کہ منگل کو سنجار میں عراقی فوج اور عوامی رضاکاروں کے آپریشن میں دو سو اسی سے زائد داعشی دہشتگرد مارےگئے-

رپورٹ میں بتایا گیا ہے کہ صوبہ نینوا کے شہر موصل میں بھی عراقی فوج اور عوامی رضاکاروں کے ساتھ داعشی دہشتگردوں کی جھڑپیں ہوئي ہیں –

عراقی افواج ان جھڑپوں میں داعش کے درجنوں دہشتگردوں کوہلاک اور موصل کے مغرب میں واقع العسکری کو آزاد کرالیا ہے -

دوسری طرف کردستان کی ڈیموکریٹک پارٹی کے میڈیا سیل کے انچارج سعید مموزینی نے داعش کے دہشتگردوں نے موصل میں الکرکریہ قبیلے کے انتیس کرد خاندانوں کو اغوا کرکے الفیصلیہ نامی علاقے کی ایک جیل میں منتقل کردیا ہے –

ایک اور رپورٹ میں بتایا گيا ہے کہ تکفیری دہشتگرد گروہ داعش نے سامرا میں امام حسن عسکری اور امام علی نقی علیہما السلام کے روضہ مبارک پر متعداد گولے فائر کئے جو روضہ مبارک کے اطراف میں گرے ہیں -

رپورٹ کے مطابق سامرا پر گولہ باری رک گئي ہے لیکن روضہ مبارک کی حفاظت کے تعینات مجاہدین پوری طرح چوکس ہیں اور ہر قسم کے حالات کا مقابلہ کرنے کے لئے تیار ہیں

سرچ

لٹسٹ خبریں


تازہ ترین خبریں

ذکر ہر روز
  • ہفتہ کے دن کا ذکر

    ایک سو بار پڑھیں یا رَبَّ العالَمین

  • اتور کا ذکر

    ایک سو بار پڑھیں یا ذَالجَلالِ و الاِکرام

  • پیر کا ذکر

    ایک سو بار پڑھیں یا قاضیَ الحاجات

  • منگل کا ذکر

    ایک سو بار پڑھیں یا اَرحَمَ الرّاحِمین

  • بدھ کا ذکر

    ایک سو بار پڑھیں یا حَیُّ یا قَیّوم

  • جمعرات و جمہ کا ذکر

    ایک سو بار پڑھیں لااِلهَ اِلَّا اللهُ المَلکُ الحقُّ المُبین جمعہ کاذکر الهم صل علی محمد و آل محمد

ہر روز کی خبریں
ہر ماہ کی خبریں
صادرفین
  • User Online: 1
  • Today Visit: 91
  • Today Visitor: 61
  • Yesterday Visit: 892
  • Yesterday Visitor: 68
  • Week Visit: 1812
  • Month Visit: 3982
  • Years Visit: 10067
  • Total Visit: 10067
  • Total Visitor: 3657